احنا مش اسفين ياريس

بسم الله الرحمن الرحيم

حملة احنا اسفين ياريس على الفيس بوك بعد ما تقراء كلامى روح قوله فين حقى ياريس

النظام السابق كان كلامه كله احنا عملنا الف مصنع احنا افتتحنا مشاريع محدودى الدخل كل قمة اولويتنا محدود الدخل رئيس الوزراء يقول دعم محدود الدخل الوزراء اهم حاجة عندنا محدود الدخل

لحد ما بقى الشعب من معدومى الدخل واتارى العلة فكل الشلة 

الرئيس واولاده نظيف ووزراؤه ورجال اعماله

طلع ان 85مليون مواطن فلوسهم بيصرفها حوالى 100مواطن مليارات حسب احصائية قراتها فى موقع ان نصيب الفرض فى الفلوس المنهوبة حوالى 187الف جنيه  يبقى حقى فين وحقوق الناس دى فين باعوا المصانع والشركات عدموا  تربة مصر الخصبة  القطن المصرى كان اشهر قطن فى العالم راحت عليه بسب مين بسبهم استراد حبوب بوظت الانتاج المصرى من القطن انبوبة الغاز بستوردها وبنبع غاز ببلاش لاسرائيل وكان ناقص يدولهم فلوس كمان  نعتبر تقريبا الدولة الوحيدة فى اللى استوردت الامراض واى بلد عندها اى مش لازمها وعايزها تجيب فلوس تقول بعوها لمصر القمح اللى مصر اكلت منه بلاد ايام سيدنا يوسف عليه السلام دلوقتى مش لاقينه الارز يعمل قانون يحاكم الفلاح عشان ميزرعش ارز ويبعت هو يستورد افتكر ايه ولا ايه افتكر الناس اللى ماتت فى العبارة ولا قطار الصعيد ولاافتكر الناس اللى بتقبض معاش 60جنيه يجبوا علاج ب200جنيه واجور الموظفين 300جنيه وفى ناس ب150 وناس 90و مش لاقى يدفع اجار شقته ولا دورس العيال وانتم بتبيعوا متر الارض بنص جنيه وسيادكم بتجيبوا الاكل من بره واحنا مش لاقين العيش اه فاكر العيش ولا نستوه فاكر اللى ماتوا فى طوابير العيش ولا اللى قتل نفسه وعياله عشان ممعهوش يجب اكل ليهم   احنا مش اسفين ياريس